Patrick Dreher e Flavio Godenzi da nov tar Grischun Vacanzas

La suprastanza da Grischun vacanzas ha elegì dus novs commembers per la direcziun da Grischun Vacanzas.

Grischun Vacanzas preschenta dus novs commembers da la direcziun. Bild in Lightbox öffnen.

Legenda da maletgs: Grischun Vacanzas preschenta dus novs commembers da la direcziun. Keystone

Ils dus novs commembers da la direcziun da Grischun Vacanzas èn vegnids elegids unanimamain da la suprastanza. Patrick Dreher daventa a partir dal prim da december 2017 manader da la partiziun innovaziun e research. L'um da 40 onns è oriund da l'Argovia ed è avant stà manader da projects gronds per la V-ZUG SA sco era Chief Project Officer per la BBC Group.

Flavio Godenzi surpiglia l'entschatta da l'onn proxim la partiziun Shared Services dad Orlando Bergamin. L'um da 33 onns deriva da l'Engiadina e lavura dapi quatter onns e mez tar Grischun Vacanzas per la partiziun dal Digital Marketing.