L'Arena Tectonica Sardona ha dumbrà durant la stad passada radund 100’000 visitaders. Quai mussa ina retschertga da la Scol’auta turitgaisa per scienzas applitgadas ZHAW tranter il zercladur ed october dal 2018. Il studi mussa, ch’il patrimoni mundial da l’UNESCO, ha dumbrà en cumparaziun cun auters territoris sumegliants, blers visitaders. Il Parc Naziunal Svizzer ha per exempel dumbrà sulettamain 80'000 visitaders, il guaud d’Aletsch 57'000. Ils 9 da settember 2018 ha gì cun 1'751 visitaders la quota maximala.
Plinavant mussa la retschertga che 90% dals visitaders èn stads viandants e viandantas. Interessant è dentant era che la sonda era il di dals bikers e la dumengia quel dals viandants.
RR novitads 14:00