Fin uss è enconuschenta mo ina candidatura per il post vacant. Roman Pfister candidescha sco successur da Jon Carl Tall che sa retira. Quai rapporta l’Agentura da Novitads Rumantscha.
Roman Pfister è dapi la primavaira president da l’Uniun dals Rumantschs da la Bassa. Gia a chaschun da questa elecziun ha Pfister exprimì ses interess da candidar per la suprastanza da la Lia. En il fegliet da l'URB ha el suttastritgà l'impurtanza da la diaspora e la necessità d'ina persuna da la Bassa en la suprastanza da la Lia.
Sch’el vegn elegì en suprastanza, po Pfister prender influenza en dus gremis d’impurtanza strategica da l’uniun tetgala rumantscha, numnadamain en suprastanza sco er en il cussegl da la Lia. Questa funcziun dubla possedeva gia Jon Carl Tall.
RR novitads 07:00