Siglir tar il cuntegn

Header

Ina carta dal Grischun cun iconas per bons da consumaziun, rabat u nagut sur territoris da skis
Legenda: Purschida reducida: Ils territoris da skis dattan persuenter bons da consumaziun u era reducziun dal pretsch d'ina carta dal di. Grafica: RTR
cuntegn

Chantun Paucas pistas? I dat in bon!

Sche betg tut ils runals van, sche survegn il client era betg propi tut quai per quai ch’el paja. Co tractan las pendicularas grischunas quest fatg en ina stagiun da skis plitost magra?

Tut dependa

Tut tenor territori da skis è la resposta ina autra. En il territori da Lai / Arosa vegn per exempel decidì la damaun a las 7:45, quant la carta dal di duess custar quel di. Tut tenor quants runals èn serrads datti dapli rabat. Sche per exempel la colliaziun tranter Arosa e Lai è serrada pervia da vent, survegn ins ina carta dal di cun ina reducziun d’almain 10%.

Bon da magliar

En il territori da skis da Savognin datti tut tenor quant reducida la purschida da runals è bons da consumaziun. Ina reducziun dal pretsch da la carta dal di fiss ina discriminaziun da quels clients che han cumprà l’abunament da l’onn. Er Corvatsch Furtschellas dat bons da consumaziun, sch’il runal principal resta serrà.

Nagut vulì dir davart reducziun da pretschs u bons pervia d’ina purschida reducida ha il territori da skis da Flem/Laax/Falera.

Artitgels legids il pli savens

Scrollar a sanestra Scrollar a dretga