Chantun - Pavlar selvaschina l'enviern custa bainprest fin a 20'000 francs
A partir da l’enviern 2017/ 2018 vegn il pavlar selvaschina durant l’enviern scumandà en il Grischun. Uss han plirs uffizis chantunals ensemen cun organisaziuns d’ambient e represchentants da la chatscha e da l’agricultura lantschà ina campagna correspundenta.
Cun pavlar la selvaschina durant l’enviern, vegnia il modus da spargn da la selvaschina interrutta, ha argumentà il parsura da l'Uffizi da chatscha e pestga dal Grischun Georg Brosi.
Plinavant sajan er ils donns per il guaud en quests lieus savens fitg gronds, ha suttastritgà il parsura da l’Uffizi chantunal forestal Reto Hefti. Cun la campagna duai la populaziun vegnir sensibilisada.
