Siglir tar il cuntegn
Inhalt

Chantun PBD refusa iniziativas «Bunas scolas GR»

La fracziun da la PBD refusa cleramain las duas iniziativas chantunalas «Bunas scolas GR». Omaduas iniziativas vulan dapli participaziun da la populaziun e dal Cussegl grond en dumondas da furmaziun.

Cartas da vuschar da la PBD.
Legenda: La fracziun da la PBD refusa las iniziativas chantunalas «Bunas scolas GR». Keystone

La regenza grischuna duai restar responsabla per ils plans d'instrucziun. Da quest avis è la Partida burgais-democratica grischuna PBD. La fracziun da la PBD recumonda da refusar las duas iniziativas chantunalas «Buna scola GR» per dapli participaziun en dumondas da furmaziun e per dapli participaziun tar ils plans d'instrucziun. Las iniziativas vulessan spustar las cumpetenzas da la regenza sin il Cussegl grond e la populaziun. Tenor dretg vertent saja dentant la regenza responsabla per realisar las leschas e betg il Cussegl grond u la populaziun.

Sustegn per lescha da polizia

La fracziun da la PBD sustegna percunter la revisiun parziala da la lescha da polizia. Surtut beneventa la fracziun la meglieraziun da la segirtad publica. Quella cumpiglia tranter auter la surveglianza zuppada da lieus publics sco er la memorisaziun da questas datas per curt temp.

RR novitads 06:00