Il president da la PCD grischuna, Stefan Engler, saja sez stà in zic surstà quant grond ch'il consentiment tar la candidatura per gieus olimpics l'onn 2026 saja stada mesemna saira a la radunanza da delegadas e delegads da la PCD a Vaz Sut. En l'emprima votaziun dal pievel giaja quai er anc be per dir gea u na ad in credit dad 8 respectiv 9 milliuns francs per elavurar ina candidatura, agiuntescha el.
Quai è tenor mai ina schanza e nus n'avain nagut da sperder cun dir gea.
E la gronda majoritad ha sustegnì il president en quella dumonda. Be in delegà giuven ha tegnì si la charta oranscha per votar cunter la parola «Gea». Dario Geisseler è e resta critic: «Jau n'hai nagina fidanza en l'IOC ed jau na crai er betg, ch'il Grischun possia esser l'emprim chantun senza gigantissem.» Il pievel decida ils 12 da fevrer da l'auter onn.
RR actualitad 07:00