Chantun - PCD giuvna sustegna idea da gieus olimpics 2026
La candidatura per gieus olimpics en il Grischun para puspè da vegnir actuala. La partida dals cristiandemocrats giuvens beneventa quest svilup ed ha communitgà da sustegnair dal tuttafatg in tal project.
Sco la PCD giuvna scriva, saja ina idea sco gieus olimpics 2026 a Cuira ed a Turitg in project visiunari per la giuventetgna ed il futur dal chantun Grischun. Era en il Cussegl grond vulan ils giuvens cristiandemocrats vegnir activs ed evaluar eventualas pussaivladads per far vegnir gieus olimpics en il Grischun, scriva la PCD giuvna.
