Siglir tar il cuntegn

Header

Navigaziun

Bleras persunas sin pista.
Legenda: Bunas cifras per il schaner, experientschas da plirs onns mussan dentant, che las fatschentas èn fitg dependentas da l'aura. Perquai vala sco adina: fatg il quint vegn a la fin da la stagiun. Keystone
cuntegn

Chantun Pendicularas GR: Prims dis da schaner eran dis da record

Il schaner da quest onn han 3,5% dapli giasts visità territoris da skis da las pendicularas grischunas ch'il schaner 2018. Cumpareglià cun la media da diesch onns han las pendicularas grischunas però gì quest schaner 4% pli paucs giasts.

Sco i ha num en la communicaziun èn las pendicularas grischunas cuntentas cun il svilup dal dumber da giasts. La buna situaziun da naiv e da las pistas sco era la buna luna dals consuments hajan procurà per quest svilup positiv. Impurtant per che quai svilup positiv cuntinueschia, saja ussa dentant l'aura durant las vacanzas sco era las fin d'emnas.

Ils emprims dis dal schaner sajan stads dis da record. Silsuenter hajan stemprads e nauschas previsiuns da l’aura, che sajan savens stadas pli negativas che l’aura effectiva, fatg in stritg tras il quint.

Engiadin'Ota augmenta il pli fitg la svieuta

En cumparegliaziun cun l'onn passà han sulettamain las pendicularas da la regiun Tavau Claustra fatg ina pli pitschna svieuta, quai per 0,9%. Cunzunt las pendicularas en l'Engiadin'Ota han augmentà la svieuta per 15.5% e Surselva 11,1% . Questas cifras èn dentant da relativar. En questas regiuns vegn dapi quest onn lavurà cun pretschs dinamics. Uschia èn singulas purschidas dal favrer e mars gia includidas en las cifras dal schaner.

RR novitads 15:00