Siglir tar il cuntegn

Header

cuntegn

Chantun Pendicularas grischunas: 6,1% dapli giasts che l'onn passà

Il pli grond plus han la regiun Arosa ed il Grischun Central fatg cun in plus da varga 10% cumpareglià cun l'enviern passà.

Las pendicularas grischunas han dastgà beneventar durant l'enviern 2017/2018 6.1% dapli giasts che l'onn passa. Ei dettia dentant vinavant potenzial, han las pendicularas dal Grischun communitgà.

Il pli grond plus ad Arosa, Grischun Central e Surselva

En la regiun d'Arosa ed en il Grischun Central hai dà in plus da varga 10% en cumparegliaziun cun l'onn passà. Dentant ha er la Surselva dastgà beneventar 8% dapli giast. Guardà sin l'entir chantun ei il dumber da giasts dentant anc adina stà varga 7% pli bass en cumparegliaziun cun la media dals davos 10 onns.

L'aura ha fatg in stritg tras il quint

Sch'i vess fatg pli bell'aura, cunzunt las fin d'emnas, fissi stà pussaivel da far in meglier resultat. Tuttina sa mussan las pendicularas grischunas cuntentas ch'ins haja suenter trais envierns fitg dirs, puspè gì in enviern da success.

La stagiun 2017/2018 haja mussà che l'interess vid il sport d'enviern saja avon maun, sche las circumstanzas constettian.

RR novitads 17:00

Artitgels legids il pli savens