Siglir tar il cuntegn

Header

Las pendicularas han da sbatter cun damain giasts.
Legenda: Las pendicularas han da sbatter cun damain giasts. Keystone
cuntegn

Chantun Pendicularas grischunas cun damain giasts la fin da stagiun

Las pendicularas grischunas discurran d'in enviern che vegnia a laschar fastizs en la branscha. Uss èn innovaziuns dumandadas per restar cumpetitivs.

audio
Mezdi: Pendicularas grischunas cun damain giasts la fin da stagiun
ord Actualitad dals 05.04.2017.
laschar ir. Durada: 56 Secundas.

Gia la stagiun passada è stada sut la media ed uss è il dumber da giasts sa reducì il mars 2017 anc ina giada per 21% en cumparegliaziun cun l’onn avant. Uschia han visità il mars 2017 radund 220’000 giasts pli pauc ils territoris da skis en il Grischun quai en la media sur 9 onns ora.

Fin la fin da favrer nudavan las pendicularas grischunas ina reducziun da 2,1% da giasts en cumparegliaziun cun l’onn passà, en cumpareglià sur 9 onns ora era quai ina reducziun da 13,8%.

La naiv natirala ha mancà

Ina raschun saja che la naiv haja mancà l’entschatta da la stagiun. In’autra ch’ì avevi a partir da la fin favrer tempra da primavaira giu la Bassa. E l’entschatta da la stagiun mancava la naiv natirala.

La gronda part da las pendicularas ha terminà la stagiun

La stagiun passada è stada per la gronda part ina sfida. L’aura era d’ina vart fitg buna ma la mancanza da naiv natirala ed uschia il flair d’enviern ha mancà, scrivan las pendicularas grischunas. Uschia n’hajan las temperaturas miaivlas la fin da favrer betg pli motivà da far excursiuns en la naiv.

Uss èn las pendicularas dumandadas

La purschida actuala sto vegnir optimada e las renovaziuns en runals e sutgeras na dastgan betg vegnir emblidadas per pudair restar cumpetitivs, scriva las pendicularas grischunas.

Cumenzament da la stagiun enfin ils 31 da mars 2017

Midament en %
onn avant
media da 5 onnsmedia da 9 onns
Grischun Central / Arosa
- 1.7
- 7.8
- 14.0
Engiadin'Ota
- 0.4
- 5.3
- 12.3
Engiadina Bassa
- 6.0
- 9.6
- 13.5
Surselva- 1.1
- 6.3
- 12.2
Tavau / Claustra
- 3.3
- 9.0
- 16.6




Entir Grischun
- 2.1
- 7.5
- 13.8

RR novitads 10:00

Artitgels legids il pli savens