Siglir tar il cuntegn

Header

cuntegn

Chantun Pernottaziuns en Grischun èn s'augmentadas per 8,9%

L'onn passà è il dumber da pernottaziuns en Grischun stà fitg bass il schaner. Bunamain 50'000 pernottaziuns dapli hai da quest onn en Grischun.

Legenda:
Pernottaziuns en Grischun: Cliccar sin ils onns per activar e deactivar las lingias per cumparegliar las pernottaziuns da differents onns. ORIGINAL Quai è il diagram cun tut las cifras - mo duvrar per retschertgas Cifras da l'Uffizi federal da statistica (2005-2018)

Ils hotels en Grischun han nudà 593'991 pernottaziuns il schaner 2017. Cumpareglià cun la medema perioda da l'onn passà èn quai 8,9% dapli pernottaziuns. Quai communitgescha l’Uffizi federal da statistica. Guardà sin la media da tschintg onns è il dumber da pernottaziuns dentant sa sbassà per 6,4%.

342'182 pernottaziuns èn stadas da Svizzers, pia 12% dapli pernottaziuns da Svizzers. Da la Germania e da l'Italia èn las pernottaziuns idas enavos per 2,7% u 7%. S'augmentadas fermamain èn las pernottaziuns da Ollandais e da Beltgs (in terz dapli). Tar ils Chinais èn las pernottaziuns s'augmentadas il pli ferm, per 111,5%.

Lai (13,1%) e Flem/Laax (13,2%) han ch'è creschì las pernottaziuns per radund 13%. Er l'Engiadina San Murezzan ha ch'è creschì las pernottaziuns per 11,9%. A Val Son Pieder (-8,6), Scuol Samnaun Val Müstair (-2,3) ed a Mustér Sedrun (-3,2%) èn las cifras sa sbassadas in pau.

Er en Svizra èn las pernottaziuns s'augmentadas

En l'entira Svizra ha l'hotellaria nudà totalmain 2,7 milliuns pernottaziuns. Cumpareglià cun la medema perioda da l’onn avant è quai in plus da 5,2%. En tut sajan 1,4 milliuns pernottaziuns da persunas da l'exteriur, quai è in plus da 4,8%. Ils giasts svizzers han augmentà las pernottaziuns per 5,5%.

RR novitads 10:00

Artitgels legids il pli savens