Siglir tar il cuntegn

Header

video
La vita sin il chau
Or da Battaporta dals 29.04.2020.
laschar ir
cuntegn

Pervia dal corona La vita sin il chau

Tschintg persunas, tschintg vitas, milli sfidas pervia da corona.

La vita sin il chau è ina seria che raquinta dal mintgadi da tschintg persunas durant il temp da corona. L'entira seria è realisada davent da chasa. Perquai han tschintg persunas prendì il telefonin enta maun ed han filmà lur mintgadi. En in'intervista via skype han ellas lura raquintà, co il coronavirus ha influenzà lur vita.

video
La vita sin il chau
Or da Battaporta dals 29.04.2020.
laschar ir

La vita sin il chau – per ina pazienta da ristga

Sandra Lutz na va betg pli ord chasa – danor sch'ella sto ir tar il medi. Ir tranter la glieud fiss ina bler memia gronda ristga per ella. Pertge il virus pudess avair consequenzas catastrofalas per ella. Perquai passenta ella mintga di en sias quatter paraids datiers da Berna. Ella ha documentà per nus in di en sia vita in pau solitaria – a chasa – cun il telefonin.

video
La vita sin il chau - per ina pazienta da ristga
Or da Battaporta dals 22.04.2020.
laschar ir

La vita sin il chau – per in bab da famiglia

Othmar Schärer lavura davent da chasa. Ma sco genitur è quai magari la detga sfida. Ad Othmar mancan il biro e ses collegas da lavur. Persuenter haja el uss bler temp per la famiglia. Magari forsa schizunt memia bler temp.

video
La vita sin il chau - per in bab da famiglia
Or da Battaporta dals 24.04.2020.
laschar ir

La vita sin il chau – per in schuldà cun corona

Curdin Richert è stà duas emnas en isolaziun. Il motiv: il coronavirus ch’ha pudì tiers el durant ses temp en il militar. Uss è Curdin turnà a chasa, saun e salv e cun bler temp per raquintar a nus sia istorgia.

video
La vita sin il chau – per in schuldà cun corona
Or da Battaporta dals 28.04.2020.
laschar ir

La vita sin il chau – per in lavurer da plazzal

En la quarta part da la mini seria ha Leandro Pedreiras filmà e documentà per nus ses mintgadi. El va mintga damaun a lavurar, era durant il temp dal coronavirus. E perquai vul el era pudair sa scuntrar la saira cun ses amis u ir ina runda cun l’auto. Ma quai na plascha betg a tuts.

video
La vita sin il chau – per in capolavurer sin il plazzal
Or da Battaporta dals 05.05.2020.
laschar ir

La vita sin il chau – per ina tgirunza en in center da requirents d’asil

Angela Collenberg n’è il mument betg bler a chasa, mabain surtut vid lavurar. Ella ha cumenzà durant il temp da corona a lavurar en in center per requirents d’asil a Turitg. Ensemen cun duas autras tgirunzas è ella responsabla per la tgira da radund 160 requirents. Ina lavur che pretenda bler, ma dat er blera satisfacziun ad Angela.

video
La vita sin il chau - per ina tgirunza en in center per requirents d'asil
Or da Battaporta dals 06.05.2020.
laschar ir

RTR Battaporta