Pervia dal coronavirus - L'ospital a Cuira supplitgescha da betg far visitas
Per franar la derasaziun dal coronavirus e per proteger pazients sco era collavuraturas e collavuraturs da l'ospital vegn supplitgà da desister sin visitas.
A Cuira supplitgescha l'Ospital chantunal da visitar malsauns mo en cas urgents. Vitiers èn serradas las ustarias da l'ospital per externs, scriva l'ospital sin sia pagina d'internet. La cafetaria resta dentant averta.
Entant vala en il chantun Turitg in scumond general per far visitas en ospitals e chasas d'attempads.