Siglir tar il cuntegn

Chantun Peter A. Fanconi vinavant a la testa da la banca chantunala

La regenza grischuna ha reelegì Peter A. Fanconi sco president da la Banca chantunala grischuna. Quai per la perioda d'uffizi da l’entschatta d’avrigl 2018 fin la fin da mars 2022.

Peter Fanconi
Legenda: Cuntinuitad tar la Banca chantunala grischuna: Peter A. Fanconi resta president. MAD

Peter A. Fanconi ha 50 onns ed è giurist. Dapi quatter onns è el president dal cussegl da banca e parsura da la cumissiun strategica.

Nov vicepresident da la Banca chantunala grischuna daventa Christian Thöny, actual cusseglier da banca, sco la regenza ha communitgà. L'advocat da 65 onns surpiglia quest uffizi fin la fin da mars 2021. El succeda a Fabrizio Keller che cuntanscha la primavaira che vegn la limita dal temp d'uffizi da 12 onns.

RR novitads 18:00