Siglir tar il cuntegn

Header

video
Dumber creschent d'infecziuns da corona
Or da Telesguard dals 13.10.2020.
laschar ir
cuntegn

Peter Peyer Chantun discutescha mesiras

Er il Grischun prenda mesiras encunter il coronavirus, tgeninas n'è dentant anc betg cler. Quai vegn pir communitgà venderdi.

Las cameras eran installadas ed ils microfons preparads. La tensiun tar ils schurnalists ch'èn sa rimnads en la sala dal Cussegl grond tar l'inscunter mensil da la regenza era gronda. Dentant lura ha Peter Peyer, il directur da sanadad declerà ch'ins saja vid discutar e vi dal sa barattar puncto mesiras che duain vegnir prendidas.

Nus stuain guardar d'avair ina basa legala per ulteriuras mesiras.
Autur: Peter Peyerdirectur da sandad

Ils differents departaments pertutgads ston anc sa barattar ed er ils documents necessaris stoppian anc vegnir preparads e translatads per lura pudair communitgar cler e bain, uschia Peter Peyer vinavant. Perquai n'èsi betg anc cler, tge mesiras che vegnan prendidas e cura che quellas van lura en vigur.

Betg memia tard

Ch'ins saja memia tard da prender mesiras na vesa Peter Peyer dentant betg. Ins haja definì gia ordavant, cura ch'igl è necessari da prender mesiras per franar il coronavirus.

Nus faschain quitads, perquai che nus vesain che las cifras creschan dapertut.
Autur: Peter Peyerdirectur da sanadad

Uss saja qua il mument per prender mesiras. Forsa er perquai ch'il team da contact tracing n'è l'emna passada betg vegnì suenter cun contactar persunas ch'han gì contact cun persunas infectadas. Cler è uss be ch'i vegn infurmà venderdi tge mesiras ch'il Grischun introducescha.

Sviz e Schaffusa reageschan

Ils chantuns Schaffusa e Sviz han gia reagì sin l’augment da las cifras e prendì mesiras. Omadus chantuns han extendì l’obligatori da mascras. A partir da venderdi ston ins purtar en il chantun Schaffusa ina mascrina da far las cumpras. En il chantun Sviz ston ins avair si la mascra d'occurrenzas publicas e privatas sche passa 50 persunas èn da la partida. En pli vala l’obligatori en stizuns, kinos e baselgias quai sch’ins na po betg tegnair distanza.

RTR actualitad 17:00

Artitgels legids il pli savens

Scrollar a sanestra Scrollar a dretga