Siglir tar il cuntegn

Header

Gia il schaner hai dà in pilot, tranter auter a Schiers.
Legenda: Gia il schaner hai dà in pilot, tranter auter a Schiers. RTR, Tobia Valär
cuntegn

Pilots en scolas Cuira testescha gia l'emna proxima

L'emna proxima cumenzan ils tests da corona en las scolas da Cuira sco project da pilot, quai ha Martin Bühler, il schef dal stab directiv dal chantun, ditg oz envers las medias.

L'emna proxima cumenzan ils tests da corona en las scolas da Cuira sco project da pilot, quai ha Martin Bühler, il schef dal stab directiv dal chantun ditg oz envers las medias. Tar quai pilot giaja en emprima lingia per dumondas logisticas, tranter auter er co ils tests vegnan transportads en il labor. Sper quai èsi er l'idea da rimnar experientschas cun il proceder da pooling, pia che tut las emprovas d'ina classa vegnan maschadadas e testadas communabel.

Sch'il pool (da spida) vegn testà negativ, lura èsi liquidà e sch'el è positiv lura vegn guardà pli exact e fatg tests singuls per pudair isolar ils positivs.
Autur: Martin Bühlerschef dal stab directiv

La spida vegn analisada en in labor a Buchs, la finamira è ch'il resultat è sin maisa aifer 24 uras.

Ins saja fitg cuntent che la scola da Cuira è sa messa a disposiziun per far il pilot – i dettia numnadamain bler da far er per la scola da la citad. Ins haja stuì preparar fitg svelt tut ils concepts. Martin Bühler quinta, ch'i saja suenter il pilot d'adattar inqual chaussa per ch'i gartegia suenter dapertut. Suenter las vacanzas da sport duain lura tut las scolas en il Grischun pudair porscher tests regulars, previs è ina giada l'emna.

RTR novitads 12:00

Artitgels legids il pli savens

Scrollar a sanestra Scrollar a dretga