Siglir tar il cuntegn

Header

cuntegn

Chantun Pitschen e grond sin las chamonas

Ils ustiers da las chamonas dal Terri, Kesch e Tuoi èn cuntents cun la stagiun enfin ussa, malgrà che l'aura al cumenzament da la stagiun n'è betg stada optimala. Surtut giasts svizzers stattan savens sur notg en las chamonas questa stad.

Savens stettian ils giasts perfin duas fin trais notgs en la chamona dal Terri, di Doris Trummer che maina la chamona ensemen cun ses um Toni. Els sentan era che viandar è actualmain en il trend: Era bleras famiglias cun uffants pitschens stettian sur notg sin lur tura tras la Greina.

L'aura fetschia magari in stritg tras la planisaziun, raquinta Reto Barblan da la chamona Kesch. Questa stad saja savens u bellezza e chaud u schlett'aura e fraid. Perquai saja pussaivel ch'ils giasts annulleschian lur reservaziun a curta vista.

audio
Mezdi: Bilantscha intermediara chamonas CAS
ord Actualitad dals 18.08.2016.
laschar ir. Durada: 2 minutas 33 Secundas.

L'emprima stagiun en chamona Tuoi al pe dal Piz Buin èsi per Christian Wittwer. El è dentant cuntent cun la stagiun enfin ussa, spera dentant anc sin blers bels dis d'atun senza naiv.

RR actualitad 12:00

Artitgels legids il pli savens