Siglir tar il cuntegn

Header

Il maletg muossa ina visualisaziun dals bajetgs dal Plantahof
Legenda: Ina visualisaziun da la cuminanza da lavur Nickisch Walder da Flem e Planalytik ScRL da Flums. Nickisch Wlader e Planalytik ScRL
cuntegn

Plantahof a Landquart 24,5 milliuns per modernisar il center da dietas

Il center da scolaziun al Plantahof duai vegnir modernisà. Il Cussegl grond ha deliberà unanimamain in credit da 24,5 milliuns francs. L’ultim pled en il chapitel ha il pievel grischun – la votaziun è probabel il favrer 2020.

Concret duai dar novs bajetgs per la cuschina, la sala da mangiar e l’albiert. Suenter passa 40 onns na correspundia l’infrastructura betg pli a las prescripziuns – vegn argumentà.

Part da plan da master

Il project per modernisar l'infrastructura fa part d'in plan da master da l'onn 2008. Sin fundament da quel hai ils ultims onns gia dà midadas sin l'areal dal Plantahof, tranter auter

  • in nov auditori (2010)
  • ina sanaziun da la chascharia (2012)
  • ina nova stalla per animals gronds (2013)
  • ina nova butia purila (2018)

Sco proxim stat pia sin il program da renovar l'infrastructura per scolaziuns e dietas. Sch'i va tut tenor plan duai il nov albiert esser pront la fin da l'onn 2022 e la nova cuschina cun sala da mangiar l'atun 2024.

Sco emprim sto dentant anc il pievel grischun dar glisch verda. La votaziun a l'urna è pli probabel il favrer 2020.

Ord l'archiv:

La scola dal 1964 dal Plantahof duai vegnir renovada.

Video
Il Plantahof vegn renovà
Or da Telesguard dals 10.05.2019.
laschar ir

RR novitads 12:00