Siglir tar il cuntegn

Header

cuntegn

Plattafurmas da Trading Polizia avertescha da cugliunarias en l’internet

Pliras persunas sajan s’annunziadas tar la polizia, perquai ch’ellas sajan vegnidas cugliunadas tar fatschentas online. Carmaladas cun investiziuns finanzialas che portian gronda rendita, hajan ellas avert contos digitals e pajà per part tschient millis francs a societads da l’exteriur. Silsuenter saja il contact rut giu ed ils daners sajan stads davent.

Tenor la polizia chantunala grischuna ageschian ils cugliunaders a moda professiunala cun plattafurmas che fetschian in’impressiun seriusa.

Recumandaziuns co sa proteger:

  • Examinar offerents, naginas investiziuns cun nunenconuschents.
  • Auta rendita munta era aut ristg.
  • Far naginas investiziuns sut squitsch da temp.
  • Na sa betg laschar fascinar dad in marketing inschignus.
  • Dumandar suenter, nua ch'ins po s'adressar sch'i dat problems.
  • Retschertgar en l'internet, forsa existan gia messadis d'avis da l'offerent.
  • Be far investiziuns da daners ch'ins chapescha era.
  • Pledari cun persunas fidadas u experts da la branscha.

Ord l'archiv

video
Per cumbatter la cybercriminalitad ha il chantun Grischun stgaffì novas plazzas da lavur
Or da Telesguard dals 28.11.2017.
laschar ir

RTR novitads 10:00

Artitgels legids il pli savens

Scrollar a sanestra Scrollar a dretga