Siglir tar il cuntegn

Header

Video
Pled da l'onn 2019: Il luf
Or da Telesguard dals 03.12.2019.
laschar ir
cuntegn

Pled da l'onn Luf – il pled rumantsch da l'onn 2019

Luf, Klimajugend, onda verde e vague verte èn ils pleds da l'onn 2019. Ils pleds duajan mussar tge che muventa, che dat da discussiunar e davart tge che la societad fa patratgs. Quest onn ha la ZHAW per l'emprima giada tschernì il pled rumantsch ed er ils pleds da tut las quatter linguas.

Il luf è il pled rumantsch da l'onn 2019. Sin plazza dus è la diaspora e sin plazza trais la unda verda. Per l'emprima giada è il pled rumantsch vegnì tschernì da la scola auta ZHAW en collavuraziun cun la Lia Rumantscha.

Ils pleds luf, diaspora ed unda verda han influenzà il 2019 il discurs en Svizra rumantscha,documentà a moda scientifica, cumplettà cun propostas dal public e confermà tras la selecziun da persunas che lavuran cun il rumantsch.
Autur: Daniel Tellimanader partiziun Lingua tar la Lia Rumantscha

Ils pleds èn vegnids tschernids da trais funtaunas: Ina banca da datas da perscrutaders e perscrutadras da la ZHAW che definescha per mintga lingua 20 pleds ch'èn vegnids duvrads il pli savens l'onn 2019, propostas dal public ed propostas da la giuria che ha la finala elegì il pled da l'onn.

La ZHAW è stada responsabla quest onn per l'emprima giada per tut las tschernas dals pleds da l'onn 2019. Qua sut la survista da tut ils pleds:

Pleds da l'onn 2019

1.2.3.
Rumantschlufdiasporaunda verda
TudestgKlimajugendOK BoomerFlugscham
Franzosvague vertefèminicideflygskam
Talianonda verdesciopero delle donne5G

Pled rumantsch da l'onn en il passà

2018
il derschalet (nausch siemi)
2017ils flutgets (floccas per müesli, per bizochels, per scrottas da naiv)
2016il barbagiat (mal ils musculs)
2015il schischuri (virivari)
2014far linlogn (sa laschar temp)
2013il raffader (der Abzocker)
2012l'arsuc (guaffen per trair en chalzers)
2011tgutglar (far tup, far da tgutg)
2010gnochergnar (far da char)
2009la vaccinaziun
2008europeada
2007las elecziuns
2006la sessiun
2005la porta alpina
2004las mesiras da spargn

RTR actualitad 17:00