Totalmain èn vegnids inoltrads 370 texts (158 per ladin, 136 per sursilvan e 78 per surmiran, sutsilvan e rumantsch grischun). Quai è in nov record.
Per chargiar giu
Las scolaras ed ils scolars da la terza fin 6avla classa han scrit davart il tema «In animal raquinta da sia vita». Il tema per giuvnas e giuvens creschids è stà «Il clima sa mida – jau mid il clima».
Premiaziun virtuala
Pervi da la situaziun da pandemia ha la Lia Rumantscha decidì da far la premiaziun a moda virtuala. Las participantas ed ils participants da tut las regiuns s'inscuntran oz mesemna a moda digitala. La saira datti en mintga regiun ina pitschna surdada dals premis.
Ord l'archiv
La concurrenza da scriver «Plima d'aur / Pledpierla» datti dapi passa 20 onns. Cun quella vul la Lia Rumantscha animar uffants e giuvenils da scriver texts rumantschs.
