Siglir tar il cuntegn
Inhalt

Chantun Pliras acziuns da salvament la fin d’emna

La REGA ha stuì salvar la sonda duas squadras da suga cun totalmain tschintg alpinists dal Pizzo Badile, en la Bregaglia. L'acziun da salvament sin il culm da 3'000 meters è stada difficila.

La REGA en acziun.
Legenda: La REGA ha liberà plirs alpinists la fin d'emna. (maletg simbolic) Keystone

Sco quai che la REGA scriva haja in'emprima emprova stuì vegnir rutta giu pervi d'in urizi. La segunda emprova ha stuì vegnir interrutta pervi da tschajera. Cun ina suga da salvament èsi la finala gartegià da liberar ils alpinists ord lur situaziun malcumadaivla. Pervi da la midada da l'aura e la schletta vesida eran ils alpinists vegnids en miserias.

Cun agid dal telefonin chattà l’um sparì

A Luzein en il Partenz è vegnida chattada la sonda la bara d'in um da 96 onns. La polizia suppona che l'um è sa disgrazià sin ina tura sin il culm Chrüz.

La sonda suentermezdi aveva la famiglia annunzià che l'um saja sparì. La polizia ha lura pudì localisar il telefonin da l'um sparì al Plan di Stafel sur il vitg da Pany. Là era l'auto dal senior. In chaun da polizia ha lura chattà la bara da l'um en territori tais e maltransibel. In helicopter ha salvà la bara.

RR novitads 18:00