Siglir tar il cuntegn

Header

Fugitivs survegnan vestgadira.
Legenda: Pliras gruppaziuns sa gidan cun ils fugitivs. Keystone
cuntegn

Chantun Pliras correcturas necessarias en il sectur d’asil dal Grischun

En il sisavel rapport da la gruppa d’observaziun «FokusAsylGR» pretenda da tractar pli correct ils fugitivs ch'arrivan sur l'Ungaria en Svizra e lura en il Grischun. Ma er per fugitivs dal Nepal pretenda la gruppa ina regulaziun speziala.

En general sustegn la gruppa las stentas dal chantun da porscher lavur als fugitivs enstagl d’agid social, uschia dettia quai in tschert svilup positiv en la politica d’asil chantunala. Dimoras per requirents d’asil sutteranas sajan dentant sulet ina soluziun intermediara, scriva la gruppa independenta. Ma la gruppa d’observaziun «FokusAsylGR» pretenda da tractar pli uman e realistic ils uschenumnads «Sans Papiers».

Chattar soluziuns per fugitivs da la Siria e l’Afghanistan

«FokusAsylGR»

La gruppaziun «FokusAsylGR» è ina plattafurma che vul observar e far attent la publicitad sin surpassaments cunter la dignitad umana ed ils dretgs umans en il sectur d’asil dal chantun Grischun.

«FokusAsylGR» vesa in problem eminent da porscher alloschis e cussegliaziun en ils cas da Dublin. La gronda part da quests fugitivs èn oriunds da la Siria ni l’Afghanistan e na pon betg vegnir tramess enavos en lur pajais d’origin. Il mument vegnan quests fugitivs sulet vegnir tgirads cun in reschim d’urgenza e betg cun il standard normal en centers da transit. A quests fugitivs vegn refusà il sustegn d’integraziun.

Vinavant pretenda la gruppa d’observaziun en general in tractament pli uman cun ils fugitivs. Surtut las structuras d’agid d’urgenza a Flüeli Valzeina duajan vegnir megliuradas.

cdm/ma