Concret pretenda la regenza, ch'il territori da muntogna vegnia rinforzà en la lescha agrara. Ella crititgescha tranter auter che las contribuziuns a las meglieraziuns da structura duain puspè vegnir sbassadas sut il livel da la perioda dal 2008 fin il 2013. Quai stettia en cuntradicziun cun il basegn da meglierar las structuras. Gist per il chantun Grischun sco chantun da muntogna hajan quellas meglieraziuns in'impurtanza fundamentala. La regenza grischuna pretenda perquai, che quellas contribuziuns vegnian puspè auzadas sin 90 milliuns francs per ils onns 2022 fin 2025.
Plinavant crititgescha la regenza er che persunas giuridicas possian tenor la politica agrara AP 22+ acquistar bains immobigliars agriculs, ch'ins veglia abolir il dumber d'animals da niz per hectara e ch'ins veglia introducir ina limita da contribuziuns per manaschi.
RR novitads 12:00