Siglir tar il cuntegn

Header

Cuverta dal cudesch da paraulas engiadinaisas.
Legenda: Anna Ratti raquinta las «Parevlas engiadinaisas» da Gian Bundi. RTR, Lucia Parolini
cuntegn

Politica e paraulas Anna Ratti e las paraulas

Anna Ratti è in num enconuschent. Ils blers collian quest num cun la politica. Dapi sia pensiun è ella dentant er puspè pli activa sco raquintadra da paraulas.

Dapi ch'ella ha 5 onns ha ella tadlà gugent las paraulas engiadinaisas da Gian Bundi. Paraulas han gia adina fascinà ella e perquai è Anna Ratti er gia ditg activa er sco raquintadra da paraulas.

Raquintà paraulas hai jau gia adina, avant e suenter la politica – e la politica è er bleras paraulas.
Autur: Anna Rattianteriura politicra

Era sezza ha ella gia scrit e publitgà paraulas ed istorgias fantasticas ch'èn vegnidas illustradas da sia figlia Milena Ehrensperger. Sias istorgias cuntegnan adina insatge misterius, perquai ch'ella vul mussar ch'i dat dasper il mund real anc auter.

Las paraulas quintan ina moda per vegnir a frida cun las difficultads.
Autur: Anna Ratti

Anna Ratti

Purtet dad Anna Ratti
Legenda:MAD

Anna Ratti è creschida si a Malögia ed ha fatg in emprendissadi sco librarista en la Biblioteca chantunala a Cuira. Ella è stada fitg activa en il moviment dals 1968. Ils onns 1970 ha ella fundà cun Theo ed Amalie Pinkus il center da furmaziun e vacanzas Salecina a Malögia. La finamira èra da realisar ils concepts dals 68ers. Il 1994 ha ella candidà sco emprima dunna per la regenza grischuna. Suenter ha ella fatg politica per la PS a Cuira. Uss viva ella a Casaccia.

RTR actualitad 11:00