La disciplina da tegnair distanza pervi dal coronavirus ha laschà suenter en il Grischun. Quai annunzia la Polizia chantunala. Las policistas e policists hajan dà 42 multas disciplinaras la fin d'emna passada.
Vitiers fa la polizia chantunala attent, ch'ella controllescha gruppas da glieud en il spazi public. Da controllar sche manaschis sa tegnian vid las reglas da distanza ed autras mesiras, saja chaussa da las vischnancas e da l'inspecturat da lavur.
