Siglir tar il cuntegn

Header

Peter Joos e Walter Schlegel.
Legenda: Peter Joos e Walter Schlegel. MAD, Polizia chantunala
cuntegn

Polizia chantunala Peter Joos surpiglia il timun da la polizia da las regiuns

Peter Joos surpiglia a partir dal prim da zercladur il timun da la polizia da las regiuns. El succeda cun quai a Marco Steck. Quel daventa da nov responsabel dal center da commando sco er la funcziun dal suppleant dal schef da la direcziun da la polizia.

Cun la rotaziun en il cader reagescha il cumandant da la Polizia chantunala, Walter Schlegel, sin il proceder penal envers Marco Steck. Sco la Polizia chantunala scriva sa retiria Marco Steck dentant sin agen giavisch da la front. La raschun saja il grond squitsch en connex cun la procedura pendenta.

audio
Walter Schlegel: «Giavisch da Steck»
00:14 min, Actualitad dals 20.05.2021.
laschar ir. Durada: 00:14 minutas.

Peter Joos è gia stà suppleant dal schef da servetsch da la polizia criminala e suppleant dal schef da logistica. Actualmain è Joos en funcziun sco manader dal center da commando sco er suppleant dal schef da servetsch da la direcziun da la polizia.

audio
Per tadlar: Las novitads da las 12:00
04:58 min, RTR Audio dals 20.05.2021.
laschar ir. Durada: 04:58 minutas.

RTR novitads 10:00

Artitgels legids il pli savens

Scrollar a sanestra Scrollar a dretga