Siglir tar il cuntegn

Header

cuntegn

Chantun Polizia ed armada èn pronts per il WEF

La situaziun saja ruassaivla, la polizia e l'armada en posiziun. Era quest onn, paucas emnas suenter l'attentat a Berlin, vala in dispositiv da segirezza pli sever. Ils detagls na communitgescha la polizia betg.

Tenor la Confederaziun è il privel d'attentats al WEF augmentà. Perquai haja er la polizia augmentà lur mesiras correspundentas. Tgeninas na communitgescha la polizia betg.

audio
Saira: Segirtad al WEF
ord Actualitad dals 16.01.2017.
laschar ir. Durada: 1 minuta 54 Secundas.

Dentant sajan quai cunzunt mesiras per sa proteger encunter attentaders singuls, da quels giaja il mument or il pli grond privel, conferma il commandant da la polizia chantunala Walter Schlegel.

Auters pensums da la polizia èn da controllar il traffic, segirar demonstraziuns, proteger objects impurtants sco il provediment d'aua e d'electricitad sco er la protecziun da persunas che dovran protecziun tenor dretg internaziunal. Per il spazi da l'aria è l'armada responsabla. Ella controllescha cun aviuns dal tip FA-18 e cun helicopters in radius da 46 kilometers enturn Tavau.

Danovamain 9 milliuns francs

Ils custs per garantir la segirtad al Forum mundial d'economia WEF vegnan er quest onn ad esser enturn 9 milliuns francs. Gia l'onn passà èn ils custs previs dad 8 milliuns vegnids surpassads. Il motiv per ils custs auts saja il privel da terror pli aut, ha ditg Walter Schlegel, il cumandant da la polizia chantunala grischuna. Il scenari da smanatscha il pli probabel saja il mument in'attatga da terror d'ina singula persuna u ina gruppa pitschna da persunas. Perquai valia er quest onn in dispositiv da segirezza pli sever.

RR actualitad 12:00+

Artitgels legids il pli savens