Siglir tar il cuntegn

Header

Auto donnegià sin l'autostrada dasper pausadi Heidiland.
Legenda: Las duas dunnas èn l'auto èn per fortuna restadas senza blessuras, ma l'auto è donnegià cumplettamain. MAD, Polizia chantunala
cuntegn

Polizia tschertga perditgas Accident sin la A13 tar Maiavilla

Datiers dal pausadi Heidiland sin l'autostrada A13 hai dà la dumengia saira in accident. Ina giuvna da 19 onns charrava cun ina passagiera en direcziun Sargans, cura ch'in BMW alv è vegnì dal pausadi sin l'autostrada. L'auto saja entrà uschè stretg, che la giuvna haja stuì guntgir e saja collidada cun la saiv amez, scriva la Polizia chantunala. Las duas dunnas sajan restadas senza blessuras. L'auto è però vegnì donnegià cumplettamain.

Uss tschertga la polizia perditgas sco er las persunas en il BMW alv cun numer turitgais.

RTR novitads 10:00

Artitgels legids il pli savens

Scrollar a sanestra Scrollar a dretga