Siglir tar il cuntegn

Header

video
Il Grischun na vul betg dar giu cumpetenzas a la Confederaziun
Or da Telesguard dals 12.01.2021.
laschar ir
cuntegn

Pon terrassas restar avertas? Chantun vul laschar avert - BAG di NA

Tenor il BAG na pon ils territoris da skis betg laschar avert las terrassas da las ustarias. Il chantun vesa quai auter.

Il chantun Grischun ha laschà avert las terrassas da las ustarias en ils territoris da skis - er sur fin d'emna. E quai malgrà ch'il Cussegl federal ha decidì l'emna passada ch'ils chantuns na dastgan betg pli lubir talas excepziuns davent da la fin d'emna. Tenor Marcus Caduff, il cusseglier guvernativ responsabel, duain las terrassas er vinavant restar avertas. Cun suandanta argumentaziun:

Nus avain interpretà quai ch'è vegnì publitgà uschia, ch'igl è ord vista epidemiologica la meglra varianta da dar la pussaivladad da seser.
Autur: Marcus Caduffcusseglier guvernativ

In zic auter interpretescha l'Uffizi federal da sanadad, il BAG, las ordras dal Cussegl federal.

Tenor nossa valitaziun na dastgan naginas plazzas vegnir drizzadas en e messas a disposiziun per la consumaziun.
Autur: Daniel Dauwalderpledader dal BAG

Va il chantun Grischun uss pia sin curs da confruntaziun cun la Confederaziun? Tenor Marcus Caduff na:

Nus guardain tge che fa il pli bler senn ord vista epidemiologica, da betg avair gruppas nuncontrolladas che stattan enturn ix-enzanua, ed en quai connex è quai la meglra schliaziun.
Autur: Marcus Caduffcusseglier guvernativ

Er giaja quai per ina tscherta egualitad tranter las ustarias en vitgs e citads, nua che la glieud haja er la pussaivladad da seser insanua sin bancs en il spazi public. Per quels motivs na midia er l'avis dal BAG actualmain nagut vid la posiziun dal chantun.

audio
Corona: vegnan las terrassas en ils territoris da skis serradas?
02:37 min, Actualitad dals 12.01.2021.
laschar ir. Durada: 02:37 minutas.

RTR Actualitad 17:30

Artitgels legids il pli savens

Scrollar a sanestra Scrollar a dretga