Siglir tar il cuntegn

Header

video
Mario Cavigelli beneventa la discussiun davart la Porta Alpina
Or da Telesguard dals 10.12.2019.
laschar ir. Durada: 2 minutas 27 Secundas.
cuntegn

Porta Alpina Nova speranza sper tuns sceptics

Il minister da traffic dal Grischun ha tschaffen da puspè discussiunar l’ascensur che maina da Tujetsch en il tunnel da viafier dal Gottard. Cun sceptica s’exprima percunter la mamma da la Porta Alpina.

Brigitta Gadient ha lantschà l’idea per la Porta Alpina. Avant prest 20 onns ha ella inoltrà in postulat en il Cussegl naziunal. Tenor sia experientscha n’èsi betg pussaivel da realisar la Porta Alpina cunter la veglia da las Viafiers federalas.

La clav per la Porta Alpina tegnan las Viafiers federalas enta maun.
Autur: Brigitta Gadient anteriura cussegliera naziunala

Da sias uras sajan las Viafiers federalas sa dustadas cun tutta forza cunter il project. La mamma da la Porta Alpina n’ha nagina speranza che la tenuta da la SBB saja sa midada en il fratemp.

audio
Saira: Brigitta Gadient davart la revitalisaziun da la Porta Alpina
ord Actualitad dals 10.12.2019.
laschar ir. Durada: 2 minutas 6 Secundas.

Porta Alpina puspè en discussiun

Avrir la box Serrar la box

Dapi il 2007 è la pli gronda fora dal Grischun serrada. L'investur egipzian Samih Sawiris che vul bajegiar en l’avegnir in resort da vacanzas a Dieni/Sedrun, ha lantschà in revival, durant ina discussiun da podium a Turitg. L’idea da la Porta Alpina saja grondiusa, e nairas uras da puspè vegnir discussiunada. Il deputà tuatschin René Epp ha sin quai sondà l’interess en il Cussegl grond e lantschà ina moziun, che frunta sin grond interess.

Cavigelli è pli positiv

Positiv tuna dentant il minister da traffic dal Grischun Mario Cavigelli a chaschun da l’inscunter mensil da la regenza cun las medias.

Igl è uss il dretg mument da puspè discussiunar la Porta Alpina.
Autur: Mario Cavigelli minister da traffic dal Grischun

Il tunnel da la Neat atras il Gottard saja avert dapi trais onns e funcziunia bain. Ins enconuschia per exempel las cifras da frequenza ed haja uss perquai ina nova situaziun da partenza.

Persunalmain avess jau il giavisch che la Porta Alpina avriss uschè spert sco pussaivel.
Autur: Mario Cavigelli minister da traffic dal Grischun

La resposta da la regenza sin l’incumbensa dal deputà René Epp – che ha l’emna passada lantschà danovamain l’idea – è da spetgar la proxima primavaira. Bunamain ina terza dals deputads dal Cussegl grond han suttascrit l'incumbensa.

audio
Saira: Co la regenza vul revitalisar la Porta Alpina
ord Actualitad dals 10.12.2019.
laschar ir. Durada: 3 minutas 18 Secundas.

RR actualitad 17:00

Artitgels legids il pli savens