Suenter che er il segund rapport da l’expert extern, l’anteriur procuratur public da Turitg, Andreas Brunner, è vegni quasi a las medemas conclusiuns sco quel da la PUK, è il Whistelblower Adam Quadroni satisfatg. Er en il segund rapport vegn crititgada la lavur da la Polizia chantunala.
Che quai che jau hai ditg turna, è per mai ina gronda satisfacziun
Ch'ils sbagls èn vegnids a la glisch fetschia grond plaschair. Tenor Adam Quadroni al porta quai bler da savair ch'el n’ha betg raquintà manzegnas e che la glieud vegn a savair la vardad. Ma tuttina saja tras tut quai ch'è capità ruinada sia famiglia. E quai è per Adam Quadroni fitg grev d’acceptar.
En in proxim pass debattescha il Cussegl grond a partir da glindesdi che vegn en chaussa Adam Quadroni.
RTR actualitad 17:00