Siglir tar il cuntegn

Header

cuntegn

Post da statistica chantunal «Davos mintga statistica stat in'istorgia»

En l'Uffizi federal da statistica lavuran sur 800 persunas vi da datas e statisticas. Il post da statistica en Grischun è en congual bunamain zaclin. Mo duas persunas lavuran per quest servetsch. Perquai na fa il post era naginas atgnas statisticas. Lur incumbensa è in'autra.

La pli impurtanta lavur è, d'esser la persuna da contact per la Confederaziun. Vinavant è noss focus tar las statisticas da la populaziun, construcziun turissem ed economia.
Autur: Patrick CasanovaManader post da statistica

Il post da statistica, che Patrick Casanova maina, è integrà en l'Uffizi chantunal per economia e turissem. Quai declera er lur focus sin populaziun ed economia. Els porschan dentant per bunamain mintgin lur datas: auters uffizis, fatschentas sco er persunas privatas.

Ramassar e nizzegiar

Las datas e statisticas per lur tabellas prendan il manader dal post e ses collega per gronda part da l'Uffizi federal da statistica. Els sajan en stretga collavuraziun, e barattan er or datas. Vinavant nizzegia il post grischun infurmaziuns or da differents registers, sco per exempel il register da persunas.

Las datas ch'els ramassan, vegnan duvradas per exempel per analisar il svilup da la populaziun. Uschia pon ins planisar, nua ch'ins sto meglierar e sviluppar per exempel il traffic public.

Davos mintga statistica stat in'istorgia.
Autur: Patrick CasanovaManader post da statistica

Memia bler da datas e cifras n'ha Patrick Casanova anc mai gì. Cun quai ch'els na stoppian betg be tippar en quellas en ina tabella dad excel, ma ch'els han in cas concret ch'els elavuran, na saja quai mai stà in problem.

In zic statistica grischuna

Video
In zic statistica grischuna
Or da RTR Social dals 12.11.2019.
laschar ir

RR actualitad 06:00