Siglir tar il cuntegn

Header

cuntegn

Chantun Pot da gulivaziun pervi da zonas da bajegiar

La revisiun parziala da la lescha da la planisaziun dal territori va en consultaziun. Il punct central da quella revisiun pertutga las zonas da bajegiar.

audio
Revisiun parziala da la lescha davart la planisaziun dal territori - per tge vai?
ord Actualitad dals 22.12.2017.
laschar ir. Durada: 3 minutas 21 Secundas.

La revisiun parziala da la lescha da la planisaziun dal territori prevesa cunzunt midadas tar las zonas da bajegiar. Vischnancas cun memia bler terren da bajegiar ston sminuir quel, quei pertutga cunzunt la periferia. Vischnancas cun memia pauc terren pon enzonar dapli terren per bajegiar, quai pertutga lura cunzunt la Val dal Rain. I va en quai senn persuenter da reparter da nov il terren da bajegiar en il Grischun.

Pot da gulivaziun

Per che surtut las vischnancas periferas na vegnan betg memia fitg sut las rodas, duai quai dar in pot da gulivaziun. Sch'ina vischnanca fa per exempel ord ina zona agricula ina zona da bajegiar, lura ha quai terrain dapli valita. Prendì il cas ch'il terrain ha 100'000 francs dapli valita sto il possessur dal terrain lura dar giu 30% pia 30'000 francs a la vischnanca. 50% da quella summa, pia 15'000 francs sto la vischnanca lura pajar en in pot da gulivaziun. Il cuntrari lura: sch'ina vischnanca sto far ord terrain da bajegiar, terren agricul, lura perda quel valita. E lura survegn il possessur dal terren daners ord quest pot da gulivaziun.

RR actualitad 12:00

Artitgels legids il pli savens