Ils praschuniers fan pli tard che planisà midada en la nova praschun Tignez tar Cazas. Atgnamain vuleva il chantun transferir il schaner ils emprims praschuniers da Cuira a Cazas.
Sco Mathias Fässler, il responsabel da l’Uffizi per l’execuziun giudiziala, ha ditg envers il schurnal regiunal da SRF dettia pliras raschuns per spustar quest termin: La nova praschun saja bler pli cumplexa areguard la tecnica da chasa e da segirtad. Plinavant stoppian ins introducir blers collavuraturs novs.
Cura ch’ils emprims praschuniers arrivan a Cazas n’è uss anc betg cler. Sco Mathias Fässler ha declerà vinavant, vegnian els dentant a far midada uschè spert, ch'els hajan tut sut controlla. Fatg è dentant, ch'ils praschuniers ston avair bandunà il Sennhof a Cuira la fin da mars 2020. Fässler è persvas ch'els vegnian da realisar la midada fin là.
Ord l'archiv:
RTR novitads 20:00