Siglir tar il cuntegn

Header

cuntegn

Chantun Precauziun è dumandada – il privel da lavinas resta aut

Pervia da la naiv nova resta la situaziun da lavinas malsegira en il chantun Grischun. En la regiun da Tavau e da Samignun è il privel vinavant grond (stgalim 4), en il rest dal chantun è il privel considerabel (stgalim 3). Sulet en las valladas dal sid e il privel moderà.

Da differenziar è la situaziun surtut en l'Engiadina. En la regiun da Samignun hai dà blera naiv ils davos dis, perquai è la situaziun precara, il privel è grond (stgalim 4). En l'Engiadin'Ota n'hai dentant betg dà blera naiv, il stgalim da privel è perquai pli bass (stgalim 3). Ma tuttina èsi era là dad esser fitg attent e mo ir sper las pistas, sch'ins ha blera experientscha.

audio
Bunura: Il privel da lavinas resta auts
ord Actualitad dals 10.01.2019.
laschar ir. Durada: 2 minutas 11 Secundas.

Situaziun sa calma in zic cunter la fin da l'emna

Il venderdi e la sonda na quinta Frank Techel da l'Institut per perscrutaziun da naiv e lavinas a Tavau betg cun naiv nova. Quai vegnia a meglierar la situaziun da privel da lavinas, perquai che la naiv nova possia lura sa stabilisar.

RR novitads 07:00

Artitgels legids il pli savens