Siglir tar il cuntegn

Chantun Premi da cultura Cuira va a Peter Jecklin

L'actur e reschissur Peter Jecklin vegn onurà quest onn cun il premi da cultura da la citad da Cuira.

Peter Jecklin.
Legenda: Peter Jecklin - qua en ina rolla «Der Dorfladen» - l'ultima butia en il vitg. RTR

La citad da Cuira surdat quest onn in premi da cultura, dus premis da renconuschientscha ed in premi da promoziun.

Il premi da cultura vegni surdà a Peter Jecklin (*1955) per sia lavur culturala sur blers onns, communitgescha la citad da Cuira. Il premi è dotà cun 8'000 francs. L'onn 2015 ha el survegnì il premi da film svizzer sco meglier actur secundar en il film «Der Kreis» da Stefan Haupt.

Mintgamai in premi da renconuschientscha survegnan

  • l'actura Felicitas Heyerick (*1984)
  • ed il ghitarist Andi Schnoz (*1971).

In premi da promoziun survegn

  • l'uniun Art-Public Cuira (exista dapi 2011).

Tant ils premis da renconuschientscha sco er il premi da promoziun èn dotads cun mintgamai 4'000 francs.

Il premi da cultura da la citad da Cuira vegn surdà en in interval d'almain trais onns. Ils ultims premis han survegnì:

Premi da cultura da la citad da Cuira

ONN
PERSUNAS ONURADAS CUN IL PREMI DA CULTURAFUNCZIUN
2012Andrea Zogg
actur
2009Monica Brügger
architecta
2006Hannes Vogel
artist
2003Martin Derungs
musicist
2000Luzi Müller
musicist

Ils premis dal 2017 surdat il cusseglier da la citad Patrik Degiacomi ils 12 da matg.

RR novitads 12:00