Siglir tar il cuntegn

Header

In purtret da Melitta Breznik.
Legenda: Melitta Breznik survegn il premi da litteratura 2018. ANR, Flurin Andry
cuntegn

Chantun Premi da litteratura per Melitta Breznik

Il Premi grischun da litteratura 2018 va a Melitta Breznik. L'autura è oriunda da Kapfenberg en l'Austria e viva a Sent.

Premi da litteratura grischun

La Fundaziun Premi grischun da litteratura, fundada da la Soroptimista Milly Enderlin, conceda mintg’onn ina distincziun dotada cun 10 '000 francs.

La Fundaziun Premi grischun da litteratura onurescha l'autura Melitta Breznik per sia producziun litterara da raquints e romans. L'autura haja l'abilitad d'implitgar ils lecturs en las istorgias persunalas dals protagonists. Istorgias che sajan entretschadas sapientivamain cun eveniments istorics, scriva il cussegl da fundaziun.

Il referiment a la psichiatria è ina caracteristica da l’autura che – cun ina prosa mintgatant sensibla e delicata e mintgatant distanziada e fraida – vegnia adina da stgaffir ina gronda intensitad en ses texts.

Autura e media

Melitta Breznik è naschida il 1961 en l'Austria e creschida si a Krapfenberg, ina pitschna citad industriala en l'Austria. A Graz ed Innsbruck ha ella studegià medischina. Ella abita a Sent ed è la media principala da la Clinica curativa a Scuol. Dapi il 1993 scriva Breznik romans e raquints.

Publicaziuns da cudeschs da Melitta Breznik

  • 1995 Nachtdienst
  • 1998 Figuren
  • 2002 Das Umstellformat
  • 2009 Nordlicht
  • 2013 Der Sommer hat lange auf sich warten lassen

La surdada publica dal Premi da litteratura grischun ha lieu ils 14 da favrer a las 18:00 en la Biblioteca chantunala. La laudatio vegn Manfred Papst, redactur cultura da la NZZ a tegnair.

RR novitads 11:00