Siglir tar il cuntegn

Header

audio
Intervista cun Sarah Engler
laschar ir. Durada: 10:22 minutas.
cuntegn

Premis academics Sarah Engler ha scrit la meglra dissertaziun – davart corrupziun

La politologa da Zernez ha intervistà politichers en pajais da l'Europa da l'ost. Ella ha perscrutà novas partidas en quests pajais e lur cumbat cunter corrupziun.

Per sias retschertgas ha Sarah Engler retschavì gist dus premis:

  • premi per la meglra dissertaziun da l'Associaziun svizra da scienzas politicas
  • Franc Cass Prize per la meglra publicaziun davart democratisaziun cun il titel Fighting corruption or fighting the corrupt elite?

Sper la corrupziun perscrutescha Sarah Engler la moda co che partidas politicas concurrenzeschan ina l'autra, la qualitad da democrazia u dischequilibers socials.

Ella s’interesseschia per ils conflicts en las societads, di la politologa. E cunzunt co ch’ins organiseschia quests conflicts – a la fin a moda paschaivla en in sistem reglà.

Quai è politica: Ins fa dispita – ma ins fa dispita en in sistem reglà
Autur: Sarah Englerpolitologa

Da preschent lavura Sarah Engler sco postdoctoranda a l'Universitad da Turitg ed al Center per democrazia ad Aarau. Ses studis ha ella frequentà a Berna, ma era en ils Stadis Units u a Florenz.

Gia en il gimnasi a Samedan ha ella cumenzà a s'interessar per partidas e politica. Oz perscrutescha ella macanissems politics.
Legenda: Gia en il gimnasi a Samedan ha ella cumenzà a s'interessar per partidas e politica. Oz perscrutescha ella macanissems politics. Claudia Cadruvi

RTR actualitad 07:00

Artitgels legids il pli savens

Scrollar a sanestra Scrollar a dretga