Siglir tar il cuntegn

Chantun Prest 171 milliuns francs frestgs per la Repower

Cun l’augment dal chapital culan 170,8 milliuns a la Repower. Ils acziunaris dal public èn sa participads cun 20,8 milliuns francs, communitgescha il concern d’energia grischun suenter ch’il termin è scadì.

Ovra electrica Chlus.
Legenda: Prest 171 milliuns francs daners frestgs culan al concern d'energia grischun. Keystone

L’augment dal chapital vegnia exequì mardi. Ils novs acziunaris dal chantun Turitg (EKZ) e da l’UBS Clean Energy Infrastructure KGK avevan gia garantì ordavant da sa participar vid l’augment dal chapital cun 90 respectivamain 60 milliuns francs.

Il chapital d’aczias da la Repower s’augmenta cunquai sin 7,381 milliuns francs. Cun ina chapitalisaziun dal martgà da radund 317 milliuns sin basa dal curs final dad oz tutga la Repower tenor atgnas indicaziuns cunquai tar las grondas interpresas che vegnan martgadadas ordaifer la bursa da la Svizra.

RR novitads 18:00