Siglir tar il cuntegn

Header

Alois Vinzens.
Legenda: L'onn 2015 ha Vinzens gudagnà totalmain 994’000 francs. Keystone
cuntegn

Chantun Prest in milliun per schef da Banca Chantunala Grischuna

La mesemna ha la Banca Chantunala Grischuna publitgà ses rapport annual 2015. En quest fa la banca er palais las pajas. Il schef da la Banca Chantunala Grischuna, Alois Vinzens, gudogna vinavant in zic damain ch'in milliun francs.

La paja da basa per il schef munta a 501’000 francs. Latiers vegnan ina participaziun al success da 350’000 francs sco er spesas e prestaziuns socialas en l’autezza da 143’000 francs.

Direcziun vala dapli che 3 milliuns francs

Tut en tut han ils quatter commembers da la direcziun survegnì ina summa da 3,306 milliuns francs. Il cussegl da la banca, che na vegn betg indemnisà tenor success, ha survegnì 735’000 francs.

Il president Peter Fanconi ha survegnì ina paja fixa da 248’000 francs. Sco possessur da 200 scrits da participaziun profitescha Fanconi però er privat dal success da la banca.

RR novitads 06:00

bt/alb