Er in laic po sgular ina drona cun agid d'ina persuna che ha gia experientscha cun dronas. Nus avain fatg l'emprova cun agid da noss redactur, Beat Manetsch.
Legenda:
Beat Manetsch mussa a la reportra Gierina Gabriel tge regulaturs ch'èn buns per tge moviments.
RTR, Lucas Batista
2 / 7
Legenda:
Grondezza mesauna – 290 grams paisa questa drona.
RTR, Lucas Batista
3 / 7
Legenda:
Betg simpel da tegnair en egl – la drona e davos ina culissa da guaud.
RTR, Lucas Batista
4 / 7
Legenda:
Er sco pilot da drona ston ins tegnair avunda distanza tar l'apparat.
RTR, Lucas Batista
5 / 7
Legenda:
Tegnair en egl la drona – gnanc usché simpel sch'il sulegl splendura.
RTR, Lucas Batista
6 / 7
Legenda:
L'app dal TCS mussa, nua ch'igl è scumandà da sgular. Quai è per exempel il cas en in tschert radius enturn il heliport a Tavanasa.
RTR, Lucas Batista
7 / 7
Legenda:
Sche la drona cuntanscha l'autezza maximala vesan ins be pli in punct nair en tschiel.
RTR, Lucas Batista
audio
Dronas: Co èsi da sgular ina drona (part 1)
02:39 min, ord Actualitad dals 29.07.2020.
laschar ir. Durada: 2 minutas 39 Secundas.
audio
Dronas: Co èsi da sgular ina drona (part 2)
03:33 min, ord Actualitad dals 29.07.2020.
laschar ir. Durada: 3 minutas 33 Secundas.
«En mintga cas ston ins savair tegnair avunda distanza tar autra glieud», quai saja la maxima principala dal sgular dronas, declera Beat Manetsch. Per filmar cun la drona, ma er ord fascinaziun sgola Beat Manetsch, redactur dals Cuntrasts cun dronas.
Sche jau fiss in animal, lura fiss jau in'evla. La vista subjectiva ch'ins survegn cun la drona ma fascinescha.
Studegiar precis il manual
El sez n'haja mai fatg in curs per sgular dronas, declera el. Ma el studegia gugent manuals. Quai stoppian ins far avant ch'ins entschaiva cun il sgular. «Simplamain sgular – quai va svelt. Per ins sez, per la drona e per auters carstgauns èsi bler pli segir sch'ins legia precis il manual», cusseglia Manetsch. Lura saja da far sco emprim simpels e curts sgols. «I sto vegnir il mument ch'ins sa ir enturn cun la drona senza stuair studegiar, tge regulatur ch'ins sto far ir per sgular en tge direcziun.» Pir lura saja segir da sgular.
