Siglir tar il cuntegn

Header

Video
100 onns Pro Senectute en Grischun – las sfidas per il futur
Or da Telesguard dals 29.10.2019.
laschar ir
cuntegn

Pro Senectute 100 onns engaschi per seniors e senioras

Ella po festivar quest onn ses 100avel anniversari – la Pro Senectute Grischun. Enconuschenta è l'organisaziun surtut pervi da la purschida da curs sco per exempel quels da computer u telefonin ubain pervi da las lecziuns da gimnastica per las senioras ed ils seniors.

Oriundamain è la Pro Senectute dentant vegnida fundada, perquai che la situaziun per persunas veglias era pauc agreabla. Cura che la fundaziun è vegnida fundada, regnava numnadamain l’emprima guerra mundiala. Da lezzas uras na deva quai anc betg ina segirada per vegls ed uschia mancava era in sustegn finanzial per ils attempads. Precis quai è stà ina da las finamiras da la Pro Senectute – s’engaschar finanzialmain per il bainesser da la populaziun attempada.

Purschida è creschida

Dapi lura n'è betg be creschida la purschida da la Pro Senectute, mabain era il dumber d’impiegads. Oz lavuran 25 persunas per la Pro Senectute Grischun. Ellas vegnan sustegnidas da passa 200 voluntaris.

Telesguard 17:40