Siglir tar il cuntegn

Header

audio
Temp allegraivel er cun pandemia
Or da Actualitad dals 16.12.2020.
laschar ir. Durada: 02:47 minutas.
cuntegn

Pro Senectute Seniors e senioras en il temp d'advent

Il temp d'advent e da Nadal è il temp da giudair cun ils chars. Ma co è quai actualmain, durant il temp da pandemia?

Ins audia plitost pauc dals seniors e las senioras il davos temp, manegia il manader da la Pro Senectute, Claudio Senn Meili. Uschia saja grev da dir, sch'ils seniors e las senioras hajan miseria da dar dumogn al temp d'advent durant la pandemia. Ord experientscha hajan blers dentant era tema da s'annunziar e dir ch'els sa sentian persuls. Perquai emprova la Pro Senectute da sa gidar. Là nua ch'els sentan ch'ils seniors e las senioras han in problem, telefoneschan els e discurran cun els. Uschia saja natiralmain grev da cuntanscher tut quels ch'avessan il basegn.

Actualmain senta il manader da la Pro Senectute cunzunt ch'ils seniors e las senioras sa fatschentan cun il futur e tscherts era cun la dumonda quantas giadas ch'els pon anc festivar Nadal.

Istorgias al telefon

Cun il «telefon da Nadal» vul Pro Senectute Grischun perquai purtar glisch e plaschair, cunzunt dentant er vuschs als seniors e las senioras durant il temp d'advent.

Per quest project ha l'organisaziun pudì engaschar in raquintader e duas raquintadras da num e da pum. Flurin Caviezel da Cuira, Anna Cathomas da Breil e Marietta Kobald da Fideris han contribuì mintgamai duas istorgias. Tranter quellas datti raquints persunals dentant er istorgias popularas enconuschentas.

Il «telefon da Nadal» è avert dapi ils 13 da december ed anc fin ils 24 da december sin il numer da telefon gratuit 0800 774 353.

RTR actualitad 07:00

Artitgels legids il pli savens

Scrollar a sanestra Scrollar a dretga