Siglir tar il cuntegn

Header

Navigaziun

Purtret d'in mantun d'actas.
Legenda: Il culm d'actas tar la procura publica grischuna crescha ad in crescher. Keystone
cuntegn

Chantun Procura publica grischuna vul dapli persunal

Er l'onn passà è il culm da pendenzas en las spartas «crims e delicts» creschì. Quai rapporta il schurnal regiunal dad SRF dal Grischun.

En la sparta «crims e delicts» – quai pon esser sadadas, mortoris dentant er cas da polluziun da l'ambient – eran la fin dal 2018 radund 1'400 cas pendents. Mintga procuratur public haja en media 80 fin 90 cas pendents, di Claudio Riedi, il manader da la procura publica grischuna.

Il squitsch saja grond, di Riedi. Er ina raschun saja la sparta da Cybercrime, pia crims en l'internet che saja vegnida vitiers. Las retschertgas en l'internet sajan pli pretensiusas. Mussaments digitals svaneschian pli svelt ed i vegn per part agì or da l'exteriur.

Dapli persunal

Sco quai che Claudio Riedi ha ditg al schurnal regiunal dad SRF, haja el ina schliaziun pussaivla: Tenor el dovri dapli persunal per cuvrir tut las spartas a moda cuntentaivla. Davart dapli plazzas decida en il chantun la regenza ed il parlament.

RR novitads 17:00