Siglir tar il cuntegn

Header

Producziun d'electricitad en il Grischun.
Legenda: Producziun d'electricitad en il Grischun dal 2018. Grafica RTR
cuntegn

Producziun d’energia Malgrà grond potenzial – fitg pauc energia solara

Il Grischun fiss predestinà per producir energia solara. Mo en cumparegliaziun cun la forza d’aua, na vegn il sulegl strusch tratg a niz.

Per radund 200’000 chasadas bastass il current ch’il Grischun producescha - cun la forza d’aua. Il current ord fotovoltaica fa ora gnanc 1 pertschient da la producziun da current, sco las cifras da l’uffizi d’energia tradeschan.

Grafica RTR
Legenda: La producziun d’energia solara è anc minimala en il Grischun, ma ella s’augmenta a moda rasanta. Grafica RTR

Potenzial è 200 giadas pli grond

Il potenzial per energia solara fiss dentant grond – perfin bler pli grond che quel d’energia idraulica.

Sin mintga meter quadrat datti 200 giadas dapli forza solara che forza d’aua.
Autur: Gallus Cadonaulobist per energia regenerabla

La forza solara haja dentant era ses dischavantatgs, conceda Gallus Cadonau. La notg u da nausch’aura na porscha ella nagin current. Il di ora porscha ella current danvanz.

Perquai pleda Cadonau per ina buna cumbinaziun da la forza idraulica e la forza solara, per exempel cun realisar il project Lago Bianco. Là aveva Repower planisà ina nova ovra a pumpa. Lubientschas e concessiuns fissan dapi trais onns avant maun, ma il project na vegn per il mument betg realisà pervi da ponderaziuns da rentabilitad.

audio
Bunura: Energia solara: cifras e potenzial dal Grischun
aus Actualitad vom 22.10.2019.
abspielen. Laufzeit 2 minutas 50 Sekunden.

Battaria per current solar

Il Lago Bianco pudess ins nizzegiar sco battaria, explitgescha Gallus Cadonau: Cura che la fotovoltaica produceschia memia blera energia, possian ins pumpar si l’aua en il lai. E sch’i dettia memia pauc sulegl, possian ins duvrar la forza d’aua dal Lago Bianco.

RR actualitad 07:00

Artitgels legids il pli savens

Scrollar a sanestra Scrollar a dretga