Suenter l’emissiun dals 20 da matg ha RTR survegnì differentas reacziuns da persunas ch’èn sa resentidas offendidas en spezial da la furma dal «Profil». Uschia era vegnì rinfatschà a la moderatura d’esser stada memia cunfruntativa en las intervistas.
Betg cuntrafatg al principi publicistic
Per il mediatur n’ha l’emissiun betg cuntrafatg al principi publicistic da l’equiliber. Dentant ha il mediatur era constatà sbagls. Uschia n’haja la moderatura betg explitgà a l’entschatta da l'emissiun pertge ch’ella ha uss propi elegì quest stil cunfruntativ. Quai na saja betg stà professiunal, argumentescha il mediatur.
Sche la resposta dal mediatur na cuntenta betg, alura po la persuna ch’ha inoltrà il recurs s’adressar a l’autoritad independenta da recurs davart radio e televisiun a Berna.
RR novitads 15:00
