Sco il Departament d’economia grischun scriva, veglia il program dar impuls al svilup economic e nizzegiar meglier il potenzial economic en regiuns da muntogna ch’èn fitg perifericas. Concret vai, tranter auter, per rinforzar la cumpetitivitad e la capacitad d’innovaziun e per crear plazzas da lavur.
La Confederaziun ha, ensemen cun ils chantuns, lantschà il program per las regiuns da muntogna. 70% dals custs surpiglia la Confederaziun e 30% il chantun.
Meds supplementars per infrastructura
En tschintg ulteriurs champs tematics po er vegnir sustegnì a fond perdu. Uschia per exempel infrastructura turistica pli pitschna che ha caracter regiunal. Er per uschenumnadas prestaziuns preliminaras per sclerir sch'ina idea è realisabla u per fundar purtaders, stattan a disposiziuns meds. Plinavant possian ins er sustegnair projects innovativs pitschens cun contribuziuns da ristga.
Planisaziun strategica da la politica regiunala
Suenter avair rimnà experientschas cun questas mesiras da pilot, fin il 2023, vul la Confederaziun che questa planisaziun strategica daventia part da la politica regiunala, a partir dal 2024.
Sut il link suandant è da chattar il formular per inoltrar ina dumonda, sco er ils criteris per survegnir ina contribuziun en rom dal program.
