Siglir tar il cuntegn

Header

cuntegn

Chantun Program d'integraziun dal chantun cuntinuescha

La regenza ha approvà ina segunda perioda dal program per integrar persunas da l'exteriur en il Grischun.

Da promover il linguatg e chattar lavur duai er esser en il center dal segund program per integrar esters. Quai communitgescha la regenza grischuna. Per promover l'integraziun d'esters en il Grischun prevesa il chantun custs da 960'000 francs ad onn. In terz dals custs ston las vischnancas surpigliar, dus terzs surpiglia il chantun. Il segund program d'integraziun vala per ils onns 2018 fin 2021.

Emprim program 2014-2017

Cun l'emprim program chantunal d'integraziun è il Grischun s'obligà da rinforzar sias stentas per l'integraziun da persunas estras. Quai en ils trais puncts centrals infurmaziun e cussegliaziun, furmaziun e lavur sco er chapientscha ed integraziun sociala.

En pli ha ella formulà finamiras correspundentas en chaussa. Quellas cumpiglian emprimas infurmaziuns per persunas novarrivadas, la promoziun linguistica per persunas creschidas e per uffants da la vegliadetgna prescolara fin a la translaziun interculturala u l'integraziun en il martgà da lavur.

L’emprim program dura da l'onn 2014 fin l'onn 2017. Gia oz fa la regenza grischuna bilantscha positiva da quest program.

RR novitads 10:00

Artitgels legids il pli savens